Cardi B sjell "tepihun e kuq" në tepihun e kuq të Met Galas

Nëse është dikush që ka arritur ta marrë gjithë vëmendjen në Met Gala të vitit 2019 është padyshim Cardi B. Reperja 26 vjeçare ka arritur të kthejë kokat e të gjithëve kur është paraqitur në tepihun e kuq të kësaj ngjarje me një fustan të kuq shumë të ekzagjeruar që kishte pupla, një kapele që i ngjante asaj për not dhe shumë shtresa të materialit që theksonin gjoksin dhe trupin e saj. Fustani që i ngjante “një tepihu të kuq” që këngëtarja dukej se e kishte sjellë në tepihun e kuq të Met Galas ishte qepur në formë të rrathëve të mëdhenj derisa ishte shumë i fryrë dhe i ekzagjeruar edhe anash dhe prapa. Shumë prej fansave të këngëtares dhe të tjerë e krahasuan veshjen e Cardi B me një thes gjumi – ndonëse mund të jeni konfuzë por tema e këtij viti në Met Gala - “Camp: Notes on Fashion” - nuk ka të bëjë me tenda të një kampi, por më shumë i referohet ekstravagancës të tepruar dhe thyerjes së kufijve. Megjithatë shumë të tjerë konstatuan se veshja e reperes ishte veshja më e mirë e natës.

 Qysh prej kur doli e para në të gjitha rangimet me këngën e saj “Bodak Yellow”, Cardi B ka zgjedhur të vishet gjithnjë e më shumë në mënyrë të ekzagjeruar dhe shumë ekstravagante duke përfshirë edhe veshjen që zgjodhi për Grammy Aëards të vitit 2019.