Cardi B kombinon ngjyrën e flokëve me çantën 20 mijë dollarëshe

Askush më mirë se Cardi B nuk mund t’i kombinojë paruket shumë të ekzagjeruara me çantat e markave më  të njohura. Reperja e “I Like It” e ka shoqëruar bashkëshortin e saj Offset për NBA All-Star Game në Chicago të dielën ku është parë me një paruke me flokë super të gjatë të kapur bisht që kombinohej në mënyrë perfekte me çantën e saj Hermès Birkin. Kjo çantë me ngjyrë vjollcë të ndezur – me të njëjtën ngjyrë si edhe parukja - kushton hiç më pak se 20,000 dollarë. 27 vjeçarja kishte edhe thonjtë super të gjatë me manikyr ngjyrë vjollcë poashtu, derisa kishte veshur një pallto leshi shumë të gjatë nga Lavish Furs, xhinse të bardha shumë të ngushta nga Fashion Nova dhe vathë gjigantë nga Jennifer Fish. “Nga blloku”, ka shkruar Cardi B poshtë fotografisë së saj në Instagram ku duket qartë se është inspiruar nga veshja e Jennifer Lopez – përfshirë edhe çizmet Manolo Blahnik që ajo kishte veshur në videoklipin e saj “Jenny From the Block” në vitin 2002. https://www.instagram.com/p/B8poS-MgvwV/?utm_source=ig_embed Kjo padyshim që nuk është hera e parë që reperja ka zgjedhur të vë një paruke me ngjyra shumë të ndezura. Në vitin 2018 fituesja e çmimit Grammy kishte vënë një paruke me ngjyrë të kaltër të hapur që kombinohej me veturën e saj Lamborghini Aventador, derisa vitin e kaluar ajo kishte performuar në Javën e Modës në Paris e veshur nga koka deri te këmbët me ngjyrë livando.