Cana zbulon prapaskenat për Zhegrovën: Lobova për transferimin te Marseille

Legjenda e futbollit shqiptar, Lorik Cana, ka zbuluar një detaj interesant rreth karrierës së Edon Zhegrovës. I ftuar në emisionin “Tring Sport”, Cana tha se kishte lobuar që talenti shqiptar të transferohej te Marseille, si dhe kishte bashkëpunuar me kryeministrin Edi Rama për marrjen e nënshtetësisë shqiptare. “Lobova për kalimin e tij te Marseille. Me kryeministrin, Edi Rama, punuam fort që të merrte nënshtetësinë shqiptare”, u shpreh Cana, transmeton Klankosova.tv. Ndërkohë,  Zhegrova shkroi histori mbrëmë, duke debutuar me Juventusin në UEFA Champions League.