Caicedo do të plaket te Chelsea

Mesfushori ekuadorian Moises Caicedo ka vazhduar zyrtarisht kontratën me Chelsea FC deri në vitin 2033, duke konfirmuar besimin afatgjatë të klubit londinez te një nga lojtarët kyç të mesfushës. 24-vjeçari, i cili u transferua me bujë nga Brighton & Hove Albion, është shndërruar në një nga figurat më të rëndësishme në projektin e ri të Chelseat. Me paraqitjet e tij të qëndrueshme dhe energjinë në mesfushë, ai ka bindur drejtuesit për t’i ofruar një kontratë të re afatgjatë. Burime pranë klubit bëjnë të ditur se rinovimi është pjesë e strategjisë së Chelseat për të ndërtuar një skuadër konkurruese për vitet në vijim, duke siguruar shërbimet e lojtarëve më të rëndësishëm për një periudhë të gjatë.