Burri thotë se i dëboi prindërit nga shtëpia pasi ia ngacmuan fëmijët

Një burrë thotë se ai ka shkaktuar një debat të hidhur me prindërit duke i detyruar ata të largohen nga shtëpia e tij gjatë pandemisë pasi zbuloi se po ata ‘ngacmonin’ fëmijët e tij. Ai thotë se në fillim të pandemisë prindërit e pyetën nëse ata mund të jetonin me të pasi janë individë me rrezik më të lartë dhe me këtë rast do të përfitonin një mbështetje. Burri, i cili është një baba i vetëm, pranoi dhe prindërit e tij u transferuan në shtëpinë që ai ndan me dy fëmijët të cilët quhet Marcus, 16 vjeç dhe Maria, 14 vjeç. Ai shpjegoi se prindërit e tij nuk po paguanin qira ose po kontribuonin në faturat gjatë qëndrimit të tyre. Burri tha se ai dhe babai i tij kishin një marrëdhënie të vështirë kur ai ishte duke u rritur pasi prindi i tij "gjithmonë besonte në dashurinë e fortë", dhe si rezultat babai i tij "nuk di shumë" as për nipërit e mbesat e tij Marcus dhe Maria. Në të kaluarën, prindërit e tij kanë bërë komente për fëmijët e tij që e ‘zemëruan’ atë, duke përfshirë komente të tilla si ‘ai nuk është shumë burrëror’ dhe ‘që nuk është shumë i dashur’, por ai tha se ai ‘kishte mësuar të merrej me të’. Kur u kthye në shtëpi nga puna më vonë se zakonisht kohët e fundit, dhe gjeti që Maria dhe Marcus ishin ‘mjaft të mërzitur’, ai i pyeti ata për atë që kishte ndodhur. Vajza e tij ka endometriozë dhe vuan keq nga dhimbja që vjen me të, dhe babai i tyre shpjegoi se Marcus shpesh kujdeset për të kur ajo është në siklet. Ai shkroi në Reddit: “Ata thanë që [gjyshërit] i kishin thënë Marisë që thjesht të heshte derisa ajo kishte dhimbje dhe i thanë Marcus se ai duhej të ndalonte së qeni i dobët, përndryshe ai do të ishte një njeri i padobishëm kur të rritet’. “Në këtë moment u thashë prindërve të mi që të dilnin jashtë, ata padyshim që bënë protestë por ata u larguan. Ata më thirrën dhe lanë posta zanore të shumta se si nuk do të interesohesha nëse do të sëmureshin.  Tani që kam pasur ca kohë për të rimenduar veprimet e mia, unë mendoj se nuk veprova mirë dhe të mendoja para se t’i përjashtoja”. Por shumë lexues u përgjigjën duke i thënë se ka bërë absolutisht gjënë e duhur. Njëri tha: “Endometrioza është një gjendje e rëndë dhe është e mrekullueshme që djali juaj e do motrën e tij aq sa të kujdeset për të kur ajo merret me të”, shkruan Mirror, transmeton Klan Kosova.