“Burg të përjetshëm”, nëna e Auron Thaqit përsërit kërkesën për vrasjen e djalit (VIDEO)

Është shtyrë seanca gjyqësore lidhur me rastin e vdekjes tragjike të të riut Auron Thaqi.

Në emisionin “Kosova Today”, nëna e të ndjerit, Esmarije Gashi, ka bërë të ditur se seanca është shtyrë për datën 3 korrik.

“Pres që gjykata të marrë një vendim të duhur, ishalla dhe besoj se gjykata do t’u japë burg të përjetshëm të akuzuarve”, tha ajo.

Kujtojmë se Prokuroria Themelore në Prizren ka ngritur aktakuzë ndaj Enes Ay dhe Hajrullah Brçani, të cilët në seancën fillestare janë deklaruar të pafajshëm.

Auron Thaqi kishte humbur jetën më 7 korrik 2024, pasi ishte plagosur rëndë me thikë.

https://youtu.be/rHjTWQ0-kuY