Britania ndalon rrjetet sociale për fëmijët nën 16 vjeç

Kryeministri i Mbretërisë së Bashkuar, Keir Starmer, ka njoftuar planet e reja të qeverisë për ndalimin e qasjes në mediat sociale për personat nën moshën 16 vjeç, duke e cilësuar këtë si një hap të rëndësishëm për mbrojtjen e fëmijëve dhe shëndetin e tyre mendor. Duke folur nga Downing Street, Starmer theksoi se përdorimi i rrjeteve sociale po ka ndikim gjithnjë e më negativ te të rinjtë, ku si pasojë janë rritur rastet e ngacmimeve online, transmeton Klankosova.tv.

“Mediat sociale i bëjnë fëmijët të pakënaqur, ua bëjnë më të lehtë ngacmuesve t’i abuzojnë dhe mund të dëmtojnë shëndetin e tyre mendor,” deklaroi ai, duke shtuar se propozimi i ri shkon përtej rregulloreve ekzistuese në disa vende të tjera.

? WATCH: Keir Starmer says under-16s in the UK may get around his social media ban

"But we don't say, 'oh look, a teenager managed to get a drink somehow' - let's not bother banning alcohol sales to children" pic.twitter.com/EHI3wyF36U — Politics UK (@PolitlcsUK) June 15, 2026

Plani i qeverisë britanike parasheh ndalimin e përdorimit të platformave kryesore të rrjeteve sociale për nën-16-vjeçarët, si dhe vendosjen e kufizimeve të reja në aplikacionet dhe shërbimet online. Këto masa përfshijnë edhe reduktimin e mundësisë për komunikim me persona të panjohur në disa platforma digjitale. Starmer theksoi se pavarësisht sfidave që mund të sjellë ky vendim, ai beson se është i domosdoshëm për mbrojtjen e brezit të ri. Sipas tij, ligji do të jetë pjesë e një reforme më të gjerë shoqërore që synon rritjen e sigurisë së fëmijëve në internet dhe fuqizimin e rolit të prindërve në kontrollin e përdorimit të teknologjisë nga fëmijët e tyre.