Britania e Madhe në zgjedhje: Miliona qytetarë në votime për garën më të madhe që nga 2024

Sot miliona qytetarë në të gjithë Mbretërinë e Bashkuar po marrin pjesë në zgjedhje, në atë që konsiderohet procesi më i madh zgjedhor që nga ardhja në pushtet e Partisë Laburiste në vitin 2024.

Në Skoci dhe Uells, votuesit po vendosin për përbërjen e parlamenteve të tyre kombëtare, të cilat kanë përgjegjësi për shërbime kyçe si shëndetësia dhe strehimi, duke përcaktuar kështu drejtimin e qeverisjes lokale, shkruan BBC, transmeton Klankosova.tv.

Ndërkohë, në Angli janë në garë rreth 5,000 vende në 136 këshilla lokalë dhe gjashtë bashki, që menaxhojnë shërbime të rëndësishme si kujdesi social, bibliotekat dhe menaxhimi i mbeturinave.

Qendrat e votimit janë hapur në ora 07:00 dhe do të mbyllen në ora 22:00, ndërsa rezultatet e para pritet të publikohen gjatë natës.