Britania e Madhe: Kina, kërcënim serioz për ekonominë

Kina paraqet kërcënimin më të madh për ekonominë e Britanisë së Madhe, sipas zëvendëskryeministrit Oliver Dowden. Kjo vjen pasi që të dhënat tregojnë që qeveria kishte për të ndërhyrë në tetë raste kur u provua marrja e tetë firmave britanike nga blerës kinezë gjatë vitit të kaluar. Diçka e tillë ngjau nga frika e kërcënimit të sigurisë kombëtare, raporton BBC, përcjell KlanKosova.tv. Dowden ka thënë se vendimet ishin “agnostike të vendit”, por që synimi ishte “i qartë” mbi sigurinë kombëtare të Britanisë së Madhe. “Jam shumë i qartë që nuk dua shkëputjen tonë prej Kinës, nuk mendoj se është në interesin tonë”, është shprehur ai. “Por në të njëjtën kohë, duhet të jemi syçelë rreth mbrojtjes së sigurisë kombëtare, në mënyrën e njëjtën siç janë kinezët”. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.