Britania e Madhe dhe Zvicra me marrëveshje financiare

Kancelari britanik i Thesarit, Jeremy Hunt do të qëndrojë këtë të enjte në Zvicër për të nënshkruar marrëveshje që ua lehtëson firmave britanike dhe atyre zvicerane të bashkëpunojnë me njëra-tjetrën. Tregtia në shërbime financiare në mes të Mbretërisë së Bashkuar dhe Zvicrës kalon vlerën prej tre miliardë funtave, raporton BBC, përcjell KlanKosova.tv. Qeveria është duke shpresuar që Marrëveshja e Shërbimeve Financiare e Bernit do të bëjë që këto shifra të rriten. Marrëveshja nënkupton që Zvicra dhe Mbretëria e Bashkuar do t’i njohin dhe pranojnë rregullat e njëra-tjetrës. Kjo shkon përtej marrëdhënieve që të dyja vendet kanë me Bashkimin Evropian. Derisa Hunt këmbëngul që kjo marrëveshje është bërë e mundur vetëm pasi që Britania është jashtë BE-së. Negociatat kanë nisur së zhvilluari që prej qershorit të vitit 2020, kur kryeministri aktual Rishi Sunak ishte kancelar.