Britani: Burri vret bashkëshorten pasi ajo tentoi ta braktiste në Ditën e të Dashuruarve

Një grua u vra nga burri i saj jashtë një pubi në Ditën e Shën Valentinit, pasi u përpoq të ndahej nga ai, sipas hetimit të policisë britanike. Lisa Smith, 43 vjeçe, u qëllua dy herë në qafë në parkingun e makinave të "The Three Horseshoes" në Knockholt, Kent të Britanisë së Madhe, më 14 shkurt të këtij viti. Ajo i kishte thënë motrës së saj se po e linte burrin e saj, Edward Smith më herët atë ditë dhe kishte hipur në një tren nga shtëpia e tyre në Slough, për të qëndruar me familjen në Kent, shkruan The Independent, transmeton Klankosova.tv. Ai e gjeti atë në pubin "Three Horseshoes" atë mbrëmje përpara se të bllokonte makinën e saj me të tijën dhe të qëllonte katër herë me një pistoletë, sipas Gjykatës dhe Mjekësisë Ligjore të Kent dhe Medway. /Klankosova.tv