Bregu i Fildishtë identifikon rastin e parë të Ebolës pas 25 vjetësh

Bregu i Fildishtë ka shpallur rastin e parë të virusit hemorragjik Ebola në 25 vjet, thanë ministri i shëndetësisë dhe Organizata Botërore e Shëndetësisë të shtunën. Ministri i Shëndetësisë Pierre Dimba tha në televizionin kombëtar se ishte një rast i izoluar i një vajze 18-vjeçare që udhëtoi nga Guinea fqinje. Organizata Botërore e Shëndetit tha në një deklaratë se Bregu i Fildishtë konfirmoi rastin e parë të vendit me Ebola që nga viti 1994, raporton Reuters. "Kjo erdhi pasi Instituti Pasteur në Bregun e Fildishtë konfirmoi Sëmundjen e Virusit Ebola në mostrat e mbledhura nga një paciente, i cila u shtrua në spital në kryeqytetin tregtar të Abidjan, pasi mbërriti nga Guinea," tha OBSH në deklaratë, përcjell Klankosova.tv. OBSH tha se hetimet fillestare zbuluan se pacientja kishte udhëtuar në Bregun e Fildishtë me makinë  dhe mbërriti në Abidjan më 12 gusht. "Pacientja u pranua në një spital pasi përjetoi ethe dhe aktualisht po merr trajtim," thuhet në  njoftim. Guinea - vendi i shpërthimit të Ebolës në vitin 2014-2016, i cili ishte më vdekjeprurësi në histori - përjetoi një shpërthim katër mujor të Ebolës në fillim të këtij viti që u shpall e mbyllur më 19 qershor. Guinea në fillim të kësaj jave konfirmoi gjithashtu një rast të parë të virusit Marburg në Afrikën Perëndimore. Sëmundja e virusit Marburg është ethe hemorragjike shumë infektive e ngjashme me Ebola.