Bota e filmit vajton aktoren Halyna Hutchins dhe kërkon përgjigje për vrasjen e saj

Aktorja Halyna Hutchins ndërroi jetë pasi u qëllua me armë zjarri nga aktori Alec Baldwin gjatë xhirimeve të filmit në New Mexico. Policia në SHBA ka thënë se Baldwin e ka zbrazur gabimisht armën gjatë xhirimeve të serialit ëestern të shekullit të 19-të. Hutchins kishte punuar si drejtoreshë fotografie në setin e filmit "Rust". Revista American Cinematographer e kishte emëruar atë një nga yjet në rritje në vitin 2019, si dhe më parë ajo ka punuar në filmin e pavarur “Superhero” të vitit 2020. Drejtori i Archenemy, Adam Egypt Mortimer tha se fakti që ajo kishte vdekur në një set ishte me të vërtetë i pabesueshëm, shkruan BBC, transmeton Klankosova.tv. “Halyna ishte një artiste e jashtëzakonshme që sapo po fillonte karrierën, mendoj se njerëzit me të vërtetë kishin filluar ta pëlqenin atë. Fakti që ajo do të vritej në një aksident si ky është i paimagjinueshëm”, tha ai. Kinematografja tjetër Catherine Goldschmidt e përshkroi Hutchins si të bukur, të ngrohtë, qesharake dhe mikëpritëse. “Ajo që është kaq tragjike është se ajo tashmë ka bërë filma të bukur, por kur mendon se çfarë ishte përpara saj, kjo është shumë e trishtueshme”, tha ajo. Ndryshe, aktorja ka ndërruar jetë në spital, pasi nuk arriti t’u mbijetoi plagëve të marra.