Borrelli thotë se zhdukja e Navalnyt është 'shumë shqetësuese'

Shefi i diplomacisë evropiane,  Josep Borrell, ka thënë se është "shumë shqetësuese" që Alexei Navalny, lideri i opozitës ruse i burgosur, raportohet të jetë zhdukur prej shtatë ditësh.

“BE-ja përsërit thirrjen e saj për lirimin e tij të menjëhershëm dhe të pakushtëzuar nga burgosje të motivuara politikisht”, tha ai.

Kremlini i ka përshkruar komentet e SHBA-ve që shprehin shqetësim për gjendjen e liderit të opozitës rus të burgosur, Alexei Navalny si ndërhyrje të papranueshme në punët e brendshme të Rusisë, transmeton Klankosova.tv.

Zëdhënësi i Kremlinit Dmitry Peskov tha se ai nuk ishte në dijeni të vendndodhjes së Navalnyt.

Zëdhënësi i Sigurisë Kombëtare të Shtëpisë së Bardhë, John Kirby, bëri thirrje për lirimin e menjëhershëm të Navalny, duke thënë se "ai nuk duhet të ishte burgosur kurrë në radhë të parë".