Bora e befason edhe Pejën

Bora ka regjistruar një fitore të madhe dhe të jashtëzakonshme në palestrën “Karagaqi”, duke mposhtur Pejën me rezultat minimal 81–82, në një ndeshje plot emocione deri në sekondat e fundit. Skuadra mysafire zhvilloi një paraqitje mbresëlënëse, duke u shkëputur deri në +16, por Peja u rikthye fuqishëm falë trepikëshave vendimtarë, duke barazuar rezultatin në periudhën e fundit. Megjithatë, Bora tregoi karakter të fortë dhe menaxhoi momentet kritike për ta marrë fitoren e artë në transfertë. Kjo humbje i kushton rëndë Pejës, e cila e lëshon mundësinë të shkëputet në krye të tabelës pas disfatës së Bashkimit një natë më parë. Ndërkohë, Bora ngjitet në pozitën e gjashtë, duke u barazuar me Yllin dhe Vëllaznimin në pikë, por me një ndeshje më pak të zhvilluar. Ylli i ndeshjes ishte Alex Hunter me 21 pikë, 8 kërcimesh dhe 8 asistimeve, ndërsa Amin Hot ishte po ashtu fenomenal me 22 pikë dhe 7 asistime.