Bombarduesi amerikan B-2 fluturoi mbi Alaskë, ndërsa Trumpi dhe Putini i shtrëngonin duart

Ndërsa Vladimir Putin dhe Donald Trump zbritën nga aeroplani në Alaska, pati një mbikalim ushtarak, nga toka në Alaska. Nga informacioni i Shtëpisë së Bardhë u kuptua se ishin bombardues B-2 dhe avionë luftarakë F-22 që kaluan sipër kokës, ndërsa dy burrat shtrënguan duart. Sipas dy zyrtarëve, dy bombardues B-2 u dërguan në bazë përpara samitit të së premtes, avionët F-35 mbërritën nga Baza Ajrore Eielson aty pranë në Alaska. Avionët F-22 ishin të bazuar në Elmendorf. Nuk ishte menjëherë e qartë nëse Trump personalisht urdhëroi bombarduesit dhe mbikalimin drejt bazës së Forcave Ajrore si një lloj shfaqjeje force përpara diskutimeve të tij me Rusinë, e cila është gjithashtu një fuqi bërthamore. B-2 konsiderohet një simbol i fuqisë së SHBA-së, pasi bombarduesit mund të fluturojnë nëpër botë pa ndalur dhe mund të mbajnë municione konvencionale dhe bërthamore. Bombarduesit e fshehtë B-2 janë të të njëjtit lloj të përdorur nga SHBA-të gjatë Operacionit “Midnight Hammer” të qershorit, në të cilin shtatë prej avionëve fluturuan 36 orë rresht nga Baza Ajrore Whiteman në Misuri drejt Iranit, ku hodhën më shumë se një duzinë bombash që shkatërronin bunkerë. Pentagoni nuk iu përgjigj një kërkese për koment, shkruan ABCNews, transmeton Klankosova.tv.