Bombardimet e NATO-s: UÇK-ja kishte marrë mesazhin për sulme (VIDEO)

24 marsi i vitit 1999 shënoi nisjen e bombardimeve të NATO-s që target kishte caqet e ushtrisë dhe policisë serbe. Kjo ndërhyrje e aleancës u pa si shpresë se liria për ata që po vuanin nga regjimi serb ishte afër, raporton Klan Kosova. Por, kjo po bëhëj në bashkëpunim me ata që luftën e kishin nis qysh moti në tokë. Fatmir Limaj, ish-komandant i UÇK-së që atë kohë po luftonte në Malet e Berishës, tha se Kosova e kishte marrë mesazhin se nuk ishte vetëm edhe më herët. Ndërkaq, ish-zëdhënësi i NATO-s, Jamie Shea, në këtë periudhë e kujton se vendimi për këto bombardime nuk ishte krejt i lehtë. Dhe paraprakisht ishte provuar zbrapsja e Serbisë edhe në rrugë diplomatike. E kur kishin dështuar edhe përpjekjet e fundit të ndërmjetësueit të atëherëshëm amerikan, Richard Holbrooke, bombardimet filluan në orën 20:00 të 24 marsit të 99-ës. Ato vazhduan deri më më 10 qershor të po atij viti, pasi një ditë më parë u nënshkrua Marrëveshja e Kumanovës me të cilën presidenti i atëhershëm i Republikës Socialiste të Jugosllavisë, Sllobodan Millosheviq, pranoi tërheqjen nga Kosova. Kronika në vazhdim sjell detaje: https://www.youtube.com/watch?v=UyYGQ8rgWL0