Bodo/Glimt shpreh interesim për portierin e Kosovës

Portieri i Kombëtares së Kosovës, Amir Saipi, pritet të largohet nga skuadra zvicerane, FC Lugano gjatë merkatos s verore. Gardiani i Dardanëve, ka tërhequr vëmendjen e klubit norvegjez Bodo/Glimt. Sipas Blicksport, skuadra norvegjeze po planifikon që ta përforcojë skuadrën e tyre dhe të jenë të gatshëm për edicionin e ardhshëm të kualifikimeve të UEFA Champions League, transmeton Klankosova.tv.

Nach fünf Jahren bei Lugano steht Amir Saipi vor dem Absprung. Der kosovarische Nati-Goalie zieht das Interesse von Bodö/Glimt auf sich. https://t.co/gP9twuLxxE

— Blick Sport (@Blick_Sport) April 7, 2026

Në këtë kuadër, Saipi shihet si një investim i rëndësishëm për portën. Kujtojmë që Bodo/Glimt ka qenë një nga surprizat më të mëdha të këtij edicioni në Champions League, duke eliminuar kundërshtarë të fortë si Inter Milan, Atletico Madrid dhe Manchester City. Paraqitjet e tyre kanë marrë vlerësime të larta nga opinioni sportiv, duke u konsideruar si një ekip që u dallua për organizim, vendosmëri dhe shpirt gare, duke përfaqësuar denjësisht futbollin norvegjez në arenën ndërkombëtare.