BMW do t'i kursejë 12 miliardë euro

Gjigandi automobilistik gjerman BMW ka njoftuar për fillimin e një programi të kursimit. Por për dallim nga Volkswagen, nuk parashihet reduktim i numrit të punëtorëve. BMW, po i bën konkurrencë prodhuesve të tjerë me shumë probleme, siç janë: Afera me prodhuesit e makinave dizell, një testim i ri i veturave për emetimin e gazit, si edhe planifikimin e investimeve në makinat elektrike. Fitimi i prodhuesit gjerman ishin rënë në vitin 2018 për 16,9 përqind mbi 7 miliardë euro. Në vitin 2019 parashihen reforma të thella për të rritur fitimet. Për këtë në periudhën 2019-2022, në planet e kompanisë parashihet kursime deri në 12 miliardë euro. Gjigandi gjerman është fokusuar edhe në prodhimin e veturave elektrike dhe atyre vetëdrejtuese. Vitin e kaluar numri i punëtorëve u rrit për 3,7 përqind në 135 mijë. Paralajmërohet edhe një bashkëpunim mes BMW dhe Mercedes Benz në dizajnimin e makinave elektrike.