Blerim Ramadani u arratis pas aktvendimit që e kthente në paraburgim në Shutkë

Një aktvendim i cili nga masa e arrestit shtëpiak, e kthente në paraburgim në qendrën e Shutkës, ka bërë që të jetë shkak që Blerim Ramadani të arratiset ndërsa gjendej në territorin e Maqedonisë së Veriut.

Kështu shkruan të paktën Kosovapress, thirrur në një burim të saj, ndërsa specifikohet se sipas MPJD-së, avokati i Ramadanit ka konfirmuar se klientit të tij, i është ndryshuar masa e sigurisë, transmeton klankosova.tv.

''Ju njoftojmë që Ambasada e Republikës së Kosovës në Maqedoni të Veriut është njoftuar nga avokati i Ramadanit se është ndërruar masa e sigurisë nga arresti shtëpiak në kthim në paraburgim, në kohën kur i njëjti ishte në pritje të vendimit të Gjykatës Supreme'', citohet të ketë thënë Leutrim Sahiti, këshilltar politik në MPJD.

Derisa MPJD ka pranuar se nuk ka informacione tjera zyrtare nga autoritetet relevante të Maqedonisë së Veriut.

Kujtojmë se Gjykata Themelore Penale në Shkup me datë 8 gusht 2024 mori vendim për mosekstradimin e Blerim Ramadani në Serbi.