Bislimi takon zëvendës shefin e FMN-së në Kosovë, flasin për aktualitetin në rrafshin ekonomik

Zëvendëskryeministri Besnik Bislimi, është takuar me zëvendës shefin e misionit të FMN-së në Kosovë, David Amaglobeli. Bislimi, gjatë takimit, e njohur Amaglobelin me aktualitetin në vend në rrafshin ekonomik dhe indikatorët makroekonomikë. “Më tej u diskutua dhe mbi vizitën e ardhshme në Kosovë të stafit të FMN-së, përgjatë së cilës në mënyrë të zgjeruar do të njihen edhe më tej me situatën ekonomike në vend, përmes takimeve të ndryshme bilaterale me institucionet vendore”, thuhet në njoftimin e qeverisë, transmeton Klankosova.tv. Më tej, bëhet e ditur se Bislimi shprehu mirënjohje për ndërveprimin e vazhdueshëm dhe të frytshëm me FMN-në, teksa theksoi vlerësimin për pikëpamjet e ndara gjatë këtij takimi.