Bislimi: Jemi shumë afër nënshkrimit të kontratës mes KEDS-it dhe Elektroseverit

Kryenegociatori i Kosovës në dialogun me Serbinë, Besnik Bislimi, tha se në takimin që pati në Bruksel me emisarin e BE-së për dialog, Miroslav Lajçak, ka folur edhe për energjinë. Ai tha se në takimin e fundit që kanë pasur në Bruksel, ka pasur një keqinterpretim nga ana e Brukselit për  sa i përket asaj se si duhet të duket marrëveshja që garanton nënshkrimin e kontratës. “Në Bratislavë është eliminuar ky keqkuptim dhe jemi shumë afër nënshkrimit të kontratës mes KEDS-it dhe Elektroseverit”, tha Bislimi, njofton Klankosova.tv. Tutje, Bislimi tha se ka ide nga Lajçak që plani i sekuencimit kërkon takim të nivelit të lartë, sepse, siç tha ai, kryenegociatorët nuk mund ta përfundojnë këtë proces. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.