Binjakët bëhen të parët në botë që e kryejnë së bashku operacionin për ndërrimin e gjinisë

Një adoleshente braziliane e cila, së bashku me motrën e saj, u bënë binjaket e para në botë që iu nënshtruan operacioneve të njëkohshme të ndryshimit të seksit, zbuloi se dushi i saj i parë si grua ishte ‘magjik’. Mayla Phoebe de Rezende dhe motra e saj Sofia Albuquerck, 19 vjeçare, iu nënshtruan një operacioni për ndryshimin e gjinisë në komunën jugore të Brazilit, Blumenau javën e kaluar. Mayla shpreson që ndarja e historisë së tyre do të ndihmojë operacionet e konfirmimit gjinor të bëhen më të arritshme në Brazil. Mayla tha: "Ne gjithmonë kemi bërë gjithçka së bashku dhe kohët e fundit kemi përmbushur ëndrrën tonë për të bërë një ndërhyrje kirurgjikale për ndryshimin e gjinisë dhe për t'u bërë binjakët e parë transvestit në botë që e bëjnë këtë. Ka shumë gra transvetit që heqin dorë sepse lista e pritjes është shumë e gjatë në sistemin shëndetësor publik dhe ka vetëm një klinikë private që kryen procedurën në Blumenau". Mayla dhe Sofia thanë se gjithmonë identifikoheshin si femra. Mayla vazhdoi: "Kur pashë organin mashkullor, ndjeva se nuk ishte i imi". Mayla tregoi se ajo dhe motra e saj shpesh i nënshtroheshin ngacmimeve për shkak të stilit të tyre të jetesës. "Në shkollë ishte shumë e vështirë’, tha ajo. "Disa shokë të klasës madje më hodhën fletore në kokë". Adoleshentja tha se familja e saj gjithmonë ka qenë mbështetëse e zgjedhjes së saj dhe të motrës së saj dhe se shqetësimi i tyre i vetëm ishte se si shoqëria do t’i trajtojë ata, shkruan Metro.co.uk, transmeton Klan Kosova.