Bilalli ngre alarmin: Ballkani mund të bëhet vatër e konflikteve të ardhshme (VIDEO) 

Njohësi i politikës së jashtme Lutfi Bilalli, ka paralajmëruar për rritjen e rrezikut të destabilizimit në rajon, duke theksuar se Ballkani mund të shndërrohet në një nga zonat më të ndjeshme të konflikteve në të ardhmen. Duke folur në emisionin "Rubikon' në Klan Kosova, Bilalli deklaroi se pas përfundimit të luftërave aktuale në Ukrainë dhe në Lindjen e Mesme, pritet që vëmendja e aktorëve ndërkombëtarë të zhvendoset drejt Ballkanit. “Ballkani do të jetë pjesa rezervë e konflikteve të ardhshme, sidomos në Evropë, pasi ndodhet në një kryqëzim strategjik”, tha Bilalli. Ai përmendi edhe ngjarjen në Banjska si një tregues të qartë të tendencave destabilizuese, duke theksuar se Serbia po përdor qasje të shumëfishta, përfshirë edhe luftën hibride. "Banjska është vetëm njëra ndër storiet që tregon se Serbia ka tendenca shumë dimensionale edhe në aktivitetet qoftë të luftës hibride dhe nga kjo shihet që nuk është e rastësishme përgatitja ushtarake e Serbisë, me armatimin kinez,  armë që janë dhënë vetëm për dy shtete Pakistanin dhe Serbinë. Ne duhet të kemi kujdes, për momentin jemi shumë lodhët në aspektin e militarizimit edhe ne edhe Shqipëria", tha më tej Bilalli. /Klankosova.tv https://youtu.be/avaPhEyWJ9A