Bie për të tretin vit radhazi numri i grave në pozita të larta drejtuese

Numri i grave të punësuara në pozita të larta drejtuese është ngadalësuar për të tretin vit radhazi, sipas Raportit Global të Hendekut Gjinor të Forumit Ekonomik Botëror, të publikuar të enjten. Raporti, i cili mbulon 148 ekonomi, thotë se pavarësisht se gratë përfaqësojnë 41.2% të fuqisë punëtore globale, vetëm 28.8% e tyre arrijnë role të larta drejtuese. Midis viteve 2015 dhe 2024, pjesa e grave në pozita të larta drejtuese u rrit nga 25.7% në 28.1%, por progresi është ngadalësuar pas vitit 2022, shkruan Euronews.com, transmeton Klankosova.tv Sipas të dhënave të përfshira në raport nga faqja globale e punësimit LinkedIn, e cila ka 1 miliard anëtarë, përjashtimi i grave nga rolet udhëheqëse ka pasoja ekonomike. Në të njëjtën kohë, inteligjenca artificiale po riformëson botën e punës dhe po kërkon aftësi të reja nga udhëheqësit e biznesit. Të dhënat e LinkedIn sugjerojnë se gratë kanë 20% më shumë gjasa të kenë karriera të larmishme, ku ato zhvillojnë aftësi që do të thotë se tani janë të pozicionuara në mënyrë unike për të lundruar dhe udhëhequr ekonominë e inteligjencës artificiale. / Klankosova.tv