Lajmet e fundit
Presidenti amerikan Joe Biden i tha kryeministrit Benjamin Netanyahu në një telefonatë të enjten se situata humanitare në Gaza dhe vdekjet e punonjësve të ndihmës për shkak të sulmeve izraelite ishin "të papranueshme".
Bideni paralajmëroi Izraelin që të ndërmarrë hapa për të adresuar krizën ose të përballet me pasoja, transmeton Klankosova.tv.
Disa orë pas thirrjes, Izraeli miratoi rihapjen e kalimit Erez në Gaza, i mbyllur që nga sulmet e Hamasit të 7 tetorit, si dhe Portin e Ashdod për të lejuar më shumë ndihmë në enklavë, tha një zyrtar izraelit për CNN.
Në bisedën e tij telefonike me Bidenin, Netanyahu pranoi se Forcat e Mbrojtjes së Izraelit (IDF) ishin fajtore për vdekjen e shtatë punonjësve të ndihmës në Kuzhinën Qendrore Botërore, sipas një zyrtari të lartë të administratës.
Netanyahu i premtoi Bidenit se qeveria e tij planifikoi të shpallte masa për të parandaluar që një gabim i tillë të përsëritej, tha tutje zyrtari.
Një zëdhënës i Sekretarit të Përgjithshëm të Kombeve të Bashkuara përshëndeti lajmin se Izraeli kishte rënë dakord të rihapte kalimin Erez në Gaza, por tha se nevojitet një "fluks masiv ndihme" për palestinezët.
Ushtria amerikane dërgoi ndihma nga ajri prej më shumë se 50 mijë ekuivalente vaktesh në Gazën veriore të enjten, tha Komanda Qendrore e ShBA-së në një postim në X.
