Biden: SHBA-të shumë afër "pavarësisë" nga COVID-19

Presidenti i Shteteve të Bashkuara të Amerikës, Joe Biden, ka deklaruar se janë më afër se kurrë për të deklaruar "pavarësinë" nga koronavirusi. Biden këtë deklaratë e bëri gjatë festimit të 4 Korrikut në Shtëpinë e Bardhë teksa kishte të ftuar mbi një mijë persona, shkruan AP, transmeton Klankosova.tv. Biden dëshironte që të gjithë amerikanët të festonin gjithashtu, pasi duruan 16 muaj përçarje në pandemi dhe më shumë se 605 mijë viktima nga virusi. Gjatë komenteve të shkurtra dhe optimiste, ai tha se falë fuqisë së shkencës, virusi "nuk kontrollon më jetën tonë". Por Biden paralajmëroi se pandemia nuk kishte mbaruar dhe i nxiti njerëzit të vaksinohen kundër COVID-19 "për veten tuaj, për të dashurit tuaj, për komunitetin tuaj dhe për vendin tuaj".