Lajmet e fundit
Shtëpia e Bardhë thotë se presidenti amerikan, Joe Biden, foli me kryeministrin izraelit dhe "përsëriti pozicionin e tij të qartë" për një pushtim të mundshëm të qytetit kufitar të Gazës, Rafah.
Një deklaratë e lëshuar nga Shtëpia e Bardhë nuk jep më shumë detaje të asaj pjese të bisedës.
Uashingtoni ka thënë se nuk mund të mbështesë një operacion në Rafah pa një plan të përshtatshëm dhe të besueshëm humanitar.
Duke folur më herët, zëdhënësi i Sigurisë Kombëtare të Shtëpisë së Bardhë, John Kirby, tha se Izraeli kishte rënë dakord të dëgjonte shqetësimet dhe mendimet e SHBA-së përpara se të fillonte një pushtim.
Disa nga aleatët e Izraelit, Kombet e Bashkuara dhe OJQ-të kryesore i kanë kërkuar Izraelit të mos pushtojë qytetin jugor të Rripit të Gazës, në të cilin aktualisht janë strehuar qindra mijëra palestinezë të zhvendosur, shkruan Al Jazeera, transmeton Klankosova.tv.
