Lajmet e fundit
Presidenti amerikan, Joe Biden i ka kërkuar falje homologut të tij ukrainas, Volodymyr Zelensky për vonesën në fillim të këtij viti në miratimin e paketës së re të ndihmës ushtarake, e cila u mbajt nga opozita republikane në Kongres.
Biden kërkoi falje ndërsa njoftoi një paketë të re ndihme për Ukrainën në një takim dypalësh me Zelenskyn të premten, shkruan CNN, transmeton Klankosova.tv.
"Ju e dini, ju nuk jeni përkulur, nuk jeni dorëzuar fare, ju vazhdoni të luftoni në një mënyrë që është thjesht e jashtëzakonshme - dhe ne nuk do të largohemi nga ju", i tha Bideni, presidentit ukrainas.
“Kërkoj falje për javët që nuk e dija se çfarë do të kalonte, për sa i përket financimit, sepse ne patëm vështirësi në marrjen e projektligjit që duhej të miratonim që kishte para nga disa prej anëtarëve tanë shumë konservatorë që po e mbanin atë, por ne e arritëm”.
Biden shfrytëzoi rastin për të shpallur njoftimin e financimit të së premtes, si dhe fondet shtesë që iu rritën Ukrainës që kur nënshkroi suplementin në prill.
