Betejë e madhe në kryeqytet: Prishtina dhe Ylli për pikë jetike

Xhiroja e 22-të në ProCredit Superligën e Kosovës në basketboll sjell një përballje shumë të rëndësishme edhe të enjten mbrëma. Nga ora 19:30 do të zhvillohet derbi ndërmjet Sigal Prishtinës dhe Golden Eagle Yllit. Edhe pse të dy skuadrat tradicionalisht synojnë titullin, këtë sezon ato po luftojnë fort për të shmangur rënien nga liga. Aktualisht, Ylli renditet në vendin e pestë, ndërsa Prishtina në të shtatin, përkatësisht të parafundit, por të dy ekipet kanë nga 29 pikë. Po aq pikë ka edhe Vëllaznimi në pozitën e gjashtë, derisa Rahoveci 029 mban vendin e fundit me 28 pikë. Kjo situatë e bën garën për mbijetesë shumë më të ashpër dhe më të hapur sesa luftën për pozitën e parë në tabelë. Duelin Sigal Prishtina - Golden Eagle Ylli mund ta ndiqni në Sport 1. Po të enjten, nga ora 19:30, do të zhvillohet edhe përballja tjetër mes Bashkimit dhe Vëllaznimit. Bashkimi pas disfatës së thelë në finalen e kupës së Kosovës nga Trepça si dhe humbjes nga Bora ne superligë do të e kërkon këndelljen ndaj gjakovarëve për të cilët fitorja është mjaft e rëndësishme. Këtë ndeshje mund ta ndiqni direkt në Sport 2.