"Bërllok nga ballkoni", hallakamë në Fushë Kosovë - qytetarët s'kanë nga t'ia mbajnë (VIDEO)

Nuk është në Indi apo ndonjë vend afrikan, por është rruga “Dardania” në Fushë Kosovë. Pamjet ngjasojnë pikërisht me ato vende  me gropa, mbeturina dhe rrugë të pashtruara, pa trotuare. Veturat mezi kalojnë, këmbësorët nuk kanë ku t’i shtyjnë hapat e tyre, e të tjerët nuk kanë ku t’i hedhin mbeturinat. Kjo gjendje alarmante tash e sa kohë është kthyer në tmerr për banorët e Fushë Kosovës, të cilët me apo pa dashje, duhet t’i bien asaj rruge. Më të rrezikuarit janë fëmijët, nënat dhe pleqtë. Qytetarët të mllefosur për emisionin Kiks Kosova, kanë treguar shqetësimet lidhur me këtë situatë, për të cilën janë dorëzuar që moti, pasi shteti i ka lënë në harresë. Për të gjitha informacionet, përfshirë palët e përfshira në këtë çështje, detajet i gjeni në artikujt e mëposhtëm. https://www.youtube.com/watch?v=CnDFjXBD9jI