Berishaj mohon se padia e tij ndaj gazetarit slloven u hodh poshtë nga gjykata në Lubjanë

Ambasadori i Kosovës në Kroaci, Martin Berishaj, ka mohuar se padia e tij ndaj gazetarit slloven Vitomir Petroviç, është hedhur poshtë nga Gjykata e Qarkut në Lubjanë. Sipas tij, kjo gjykatë ende nuk e ka pranuar padinë për shqyrtim për shkak se procedura e ankimimit ende nuk ka përfunduar, njofton Klan Kosova. “Për çështjen penale në fjalë është ngritur padia ime private kundër gazetarit slloven i cili me dt 21.04.2022 shpifi kundër meje, por Gjykata e Qarkut në Lubjanë ende nuk e ka pranuar padinë për shqyrtim për shkak se procedura e ankimimit ende nuk ka përfunduar”, shkroi Berishaj në Facebook. Klan Kosova sot gjatë ditës ka pranuar përgjigje nga Gjykata e Qarkut në Lubjanë, ku është thënë se çështja e padisë së Berishajt ndaj gazetarit Petroviç është mbyllur pa fuqi juridike. Për t’u informuar më shumë rreth kësaj ngjarjeje, klikoni në linkun e mëposhtëm. https://klankosova.tv/gjykata-sllovene-hedh-poshte-padine-e-berishajt-ndaj-gazetarit-petroviq/

klankosova.tv