Që kur fitoi lirinë në fund të nëntorit, Sali Berisha pothuajse nuk është larguar as edhe një ditë nga Tirana, duke qenë më i fokusuar në zyrën e tij në selinë e PD-së.
Ndryshe e gjeti kjo e enjte, me një ndalesë në burgun e Fierit, për një takim me ish-deputetin Ervin Salianji, ku vuan dënimin prej fundit të shtatorit për dosjen e njohur si “Babale”.
“Vendosmëria e tij në këtë betejë është e plotë. Biseduam për vazhdimin e betejës sonë. Çështja Salianji është çështje ndërkombëtare”, u shpreh Berisha.
Ai më parë është shprehur se dosja e Salianjit do të shkojë në Hagë, ndërsa për drejtësinë shqiptare ai përsërit vetëm akuza, madje e sheh atë dhe si bllokuese e rotacionit politik.
“Drejtësia është një mashë në duart e narkot-diktaturës. Ka një drejtësi që me qëndrimet ndaj krimit elektoral është palë në bllokimin e rotacionit, degë e ekzekutivit”, deklaroi Berisha
Bashkë me akuzën, ai duket se po jep një paralajmërim se nuk do të largohet edhe në rast se humbet zgjedhjet më 11 maj dhe PD-në do e lerë për 4 vite të tjera në opozitë përball mazhorancës socialiste që qeverisë vendin prej 2013-ës.
“Përmbysja e dikaturës është misioni për të cilin unë zotohem deri në orën e fundit të jetës sime. PD ka marrë misionin e ri, përmbysjen e diktaturës së dytë në Shqipëri, që është diktaturë e bazuar në krimin, drogën dhe vjedhjen e shqiptarëve”.
Ky mund të jetë një argument që do përmendet pas zgjedhjeve pavarësisht se vetë Berisha në ndryshimet e rikthimit në statut e ka të sanksionuar largimin në rast se humbet zgjedhjet parlamentare. / abcnews.al
●●●
EVSHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
