Lajmet e fundit
Kryetari i Partisë Demokratike, Sali Berisha, ka prezantuar kandidatin e koalicionit “Bashkë Fitojmë” për Bashkinë Mat, Skënder Gjucin, për zgjedhjet vendore të 14 Majit.
Gjatë fjalës së tij, kryedemokrati Berisha ka bërë thirrje që në 14 Maj të votohet për Gjucin teksa thotë se fitorja e tyre është e Shqipërisë që nuk pranon monizimin e që beson tek e ardhmja.
Berisha ka bërë thirrje që të mos votohen kandidatët e PS-ës, të cilët i ka quajtur “kandidatët e mafias shtetërore” dhe të “rivdekjes”.
"Mos votoni kandidatët e mafies shtetërore, secili është me dosje për burg, sepse me dosje për burg është Rama sepse ka firmosur me dorën e tij pam-pam-pam dhe fap-fap për tre djegësa në kundërshtim flagrant me ligjin sepse firmosi për veten dhe arabin e tij, aferën e Portit të Durrësit, 5 miliardë Euro", ka thënë Berisha.
"Mos votoni kandidatët e “rivdekjes” sepse janë të gjithë për burg, sepse për burg është Edi Rama, është McGonigal, Rama është McGonigal tej Atlantikut. Janë firmat e tij që faktojnë se vendosen vetëm për të vjedhur vetë me klanin e tij, Me Agaçin, Ahmetajn e Veliajn"./tvklan.al/
