Lajmet e fundit
Ish-kryeministri i Shqipërisë, Sali Berisha ka takuar ish-presidentin Ilir Meta në selinë e Partisë Demokratike.
Sipas mediave vendase, temë kryesore e takimit është akcioni opozitar.
Meta është parë në orët e hershme të mëngjesit të 4 tetorit në oborrin PD-së, së bashku me deputetin e Partisë së Lirisë, Petrit Vasili.
Më pas, ka mbërritur edhe Berisha dhe takimi ka zgjatur rreth 40 minuta.
Detaje specifike prej diskutimeve ndërkaq, nuk janë bërë me dije prej të dyve, shkruan Top-Channel, transmeton Klankosova.tv.
Të dy politikanët, që prej mbylljes së mandatit të Metës si President i Republikës, e kanë deklaruar hapur bashkëpunimin mes forcave politike, në aksion kundër Qeverisë të drejtuar nga kryeministri Edi Rama.
Njëkohësisht, retorika politike e të dy palëve është qartësisht e bashkërenduar, ku të dy liderët opozitarë flasin për të njëjtat çështja dhe ngrenë të njëjtat akuza ndaj Qeverisë.
