Belgjika me epërsi të hershme ndaj Rumanisë – grupi E më i koklavituri i Euro 2024

Belgjika ka kaluar në epërsi ndaj Rumanisë qysh në minutën e 2-të të takimit. Golashenues për belgët është Tielemans, i cili realizoi me një goditje të fuqishme nga jashtë zonës. Me këtë rezultat, gjendja në grupin E është më e komplikuara në të gjitha grupet e Euro 2024, katër kombëtaret kanë nga tri pikë. Për momentin, Rumania është në vendin e parë, pasi ka golaverazh më të mirë se Belgjika e cila është në vendin e tretë, kurse pozitën e dytë e mban Sllovakia, e të katërten Ukraina. Ndeshjen mes Belgjikës dhe Rumanisë mund ta ndiqni LIVE në Klan Kosova dhe Artmotion.