BBC për Kosovën: Ëndrra e madhe që u ndal në prag të historisë

Mediumi pretigjioz britanik BBC, të veçantë rrugëtimit të Kombëtares së Kosovës në përpjekjen për një kualifikim historik në Kupën e Botës, duke e përshkruar atë si një histori të shpejtë zhvillimi dhe ambicieje të madhe. Në artikullin e saj, theksohet se humbja vendimtare i dha fund ëndrrës së Kosovës për pjesëmarrjen e parë në një Botëror, më pak se një dekadë pasi zhvilloi ndeshjen e parë kualifikuese. Ky fakt, sipas prestigjiozes britanike, tregon progresin e jashtëzakonshëm të një përfaqësueseje të re në arenën ndërkombëtare. Shkrimi i plotë: Humbja i dha fund ëndrrës së Kosovës për një paraqitje të parë në Kupën e Botës, më pak se 10 vjet pasi luajtën ndeshjen e tyre të parë kualifikuese për Kupën e Botës. Shteti ballkanik, i cili shpalli pavarësinë në vitin 2008, u lejua të luante ndeshjen e parë nga FIFA në mars të vitit 2014 – një barazim 0 me 0 me Haitin. Ndeshja e tyre e dytë ishte një humbje 6 me 1 ndaj Turqisë. Kosova e përfundoi grupin kualifikues vetëm tre pikë pas Zvicrës dhe një vendi të drejtpërdrejtë në Kupën e Botës të kësaj vere. Kjo bëri që ata të përballeshin me Sllovakinë në gjysmëfinalen e “Path C”, duke fituar një ndeshje emocionuese 4:3, por nuk arritën të thyenin Turqinë në ndeshjen historike vendimtare ku fituesi merrte gjithçka.