Bayern mbyll derën për largimin e Michael Olise, refuzohet oferta 200 milionë euro

Bayern Munich ka bërë të qartë qëndrimin për të ardhmen e Michael Olise, duke refuzuar çdo mundësi largimi, madje edhe në rast të një oferte marramendëse prej 200 milionë eurosh. Presidenti nderi i klubit bavarez, Uli Hoenes, konfirmoi se lojtari nuk është në shitje dhe është pjesë kyçe e projektit të skuadrës. Ai theksoi se klubi nuk është i interesuar të sakrifikojë cilësinë në fushë për përfitime financiare. “Olise nuk do të shitet, as për 200 milionë euro. Ne luajmë për tifozët dhe jo për të mbushur arkën e klubit, duke rrezikuar performancën në fushë”, u shpreh Hoenes. Ai komentoi edhe interesimin e Liverpool, duke shtuar se bavarezët nuk do të ndihmojnë rivalët të përforcohen për sezonin e ardhshëm. Kështu, Bayern i jep një sinjal të fortë tregut dhe konfirmon se Olise do të mbetet një nga shtyllat kryesore të skuadrës edhe në të ardhmen.