Bayern eliminon nga Euroleague serbët e "Yllit të kuq", biletën për Playoff e kërkon ndaj Real Madridit

Në një ndeshje basketbollistike të luftuar fort në "BMW Park", Bayerni i Mynihut ka arritur ta mposht Yllin e Kuq, pas vazhdimeve. 84-84 përfundoi koha e rregullt e këtij dueli, nga i cili skuadrat synonin marshimin drejt Playoff-it të Euroleague, raporton Klankosova.tv. Gjermanët u treguan më kompakt në 5 minutëshin shtesë, duke triumfuar në fund me rezultat 97-93. Tani për t'u rreshtuar në mesin e skuadrave më të mira të kontinentit, "Bavarezët" do të përballen me Real Madridin. Këta të fundit sonte u 'befasuan' nga Parisi, pasi francezët i mundën "Mbretërit" në shtëpinë e tyre, 73-81, njofton Klankosova.tv. Titullin e kampionatit më të fortë basketbollistik evropian, e kërkojnë edhe dy skuadra greke, Olimpiacos e Panathinaikos, ato turke, Fenerbahçe e Anadolu Efes, teksa në mesin e gjashtë më të mirëve që e siguruan fazën finale me kohë, janë edhe Barcelona e Monaco.