Bastiset dhe mbyllet edhe një institucion ilegal serb në veri, policia jep detaje

Policia e ka realizuar edhe një tjetër bastisje në veri të Mitrovicës. Zëvendësdrejtori i Policisë së Kosovës për rajonin e veriut, Veton Elshani ka konfirmuar për Klankosova.tv se kanë ka asistuar zyrtarët e Bankës Qendrore të Kosovës, në kontrollin e një zyrë ku ka qenë duke funksionuar Sigurimi DUNAV. Elshani tha se Prokuroria ka hapur rastin “Keqpërdorim i Autorizimeve Ekonomike”. “Sot rreth orës 11:30 Policia e Kosovës ka asistu zyrtar të BQK-s në realizimin e një kontrolli në një zyre ku ka qenë duke funksionuar Sigurimi DUNAV (DUNAV Osiguranje). Pas kontrollit nga ana e tyre në konsultim me Prokurorinë është hap rasti Keqpërdorim i Autorizimeve Ekonomike”, ka thënë Elshani. Kjo degë e kësaj kompanie është mbyllur për shkak të dyshimeve se punonte pa licencë. Më herët gjatë ditës policia e ka mbyllur zyrën e Administratës Tatimore të Serbisë, që zhvillonte aktivitet ilegal në veriun e vendit./Klankosova.tv