Bashkimi nuk njeh humbje, mposht Yllin në Suharekë

Bashkimi ka fituar ndaj Golden Eagle Yllit në rundin e pestë të Superligës së Kosovës në basketboll. Kyan Anderson dhe Jon Palokaj me 16 pikë kontribuan më së shumti në fitoren e prizrenasve. Ndërsa, Trevon Allen me 15 pikë arriti të shënojë më së shumti te Ylli, teksa DeQuon Lake pati dyshifror të dyfishtë prej 12 pikësh e 13 kërcimesh. Prizrenasit ngjiten të parët në krye të tabelës me pesë fitore nga pesë ndeshje, po aq sa Peja që e përcjell në të dytin. Ndërkaq Ylli pëson humbjen e katërt por ndodhet i pesti.