Barcelona mbetet skuadra e vetme e pamposhtur në Top 5 Ligat e Evropës në vitin 2025

FC Barcelona është skuadra që qëndron në pesë ligat më të mira të Evropës pa asnjë humbje të vetme në vitin kalendarik 2025. Nën udhëheqjen e Hansi Flick, gjigantët katalanas kanë luajtur 21 ndeshje që nga fillimi i vitit – duke fituar 18 dhe duke barazuar 3, kështu klubi ka ruajtur rekordin që filloi më 4 janar me fitoren në “Copa del Rey” ndaj Barbastro, shkruan Klankosova.tv Gjatë rrugës, Barcelona është përballur me kundërshtarë të nivelit të lartë, duke përfshirë tre ndeshje kundër Benficas, dy kundër Atletico Madridit dhe përballje të vetme me Real Madrid, Atalanta dhe Real Sociedad. Sfida e tyre e radhës është përballja në La Liga në shtëpi kundër Real Betis këtë të shtunë. /Klankosova.tv