Barcelona kërkon të përfitojë nga klauzola e Harry Kane

Kërkimi i Barcelonës për një sulmues të ri e ka çuar tashmë gjigantin katalanas në Mynih, tek një emër i njohur — Harry Kane. Një raportim i "Diario Sport" thotë se Kane po e konsideron mundësinë për t’u bashkuar me Barcelonën, por ende nuk ka marrë një vendim përfundimtar se ku dëshiron të luajë sezonin e ardhshëm. Pritet që Kane të jetë i disponueshëm për rreth 65 milionë euro verën e ardhshme, për shkak të një klauzole largimi në kontratën e tij, dhe thuhet se aktualisht po mendon me kujdes për të ardhmen e tij, transmeton Klankosova.tv. Kapiteni i Anglisë ka qenë një sukses i madh te Bayerni që nga largimi nga Tottenhami. Ai ka shënuar tashmë 22 gola në 15 ndeshje për gjigantët e Bundesligës këtë sezon dhe fitoi trofeun e tij të parë me klubin vitin e kaluar.