Barcelona humb shërbimet e dy startuesve

Lajm shumë i keq për Barcelonën para ndeshjeve të tyre të ardhshme ndaj Real Sociedad, PSG dhe Sevilla. “Jijantes FC” ka raportuar dëmtimet e Joan Garcia, i cili u dëmtua gjatë stërvitjes të premten, dhe Raphinha, i cili u largua nga ndeshja ndaj Oviedo për shkak të problemeve fizike dhe u zëvendësua në minutën e 65-të nga Lewandowski. Portieri spanjoll do të mungojë deri pas pauzës ndërkombëtare dhe nuk do të mund të thirret nga Luis De La Fuente për ndeshjet e Spanjës ndaj Gjeorgjisë dhe Bullgarisë. Nga ana tjetër, sulmuesi brazilian do të mungojë gjithashtu deri pas pauzës ndërkombëtare, që do të thotë se ai do të humbasë tre ndeshjet e përmendura te Barça dhe, me gjasa, edhe miqësoret e Brazilit ndaj Koresë së Jugut dhe Japonisë.