Barcelona e ka vetëm një fitore në "Giuseppe Meazza" në gjashtë udhëtime te Interi

Stadiumi ikonik i qytetit të Milanos "Giuseppe Meazza - San Siro", sonte është arena e një përballje të madhe evropiane, nga e cila mësohet finalisti i parë i këtij edicioni në Ligën e Kampionëve. Barcelona për të shtatën herë në histori, zbret në këtë fushë për t'i matur forcat me Interin, njofton Klankosova.tv. Megjithatë nga ballafaqimet e deritanishme si mysafire e "Nerazzurëve", vetëm një herë "Blaugrana" doli triumfuese, kur në sezonin 2019/20, fitoi 1-2 në fazë të grupeve. Dy herë u mposht nga "Zi-kaltërit" dhe në tri duele të tjera, skuadrat barazuan. Në një momentum të tillë si tani, vetëm një herë këto dy ekipe janë ndeshur në Itali. 3-1 fitonte Interi në vitin 2010, kurse në "Camp Nou" përkundër humbjes 1-0, arriti që ta eliminonte Barcelonën, raporton Klankosova.tv. Pavarësisht kësaj, Barça ka bilanc më të mirë në përballjet direkte, pasi ka regjistruar gjashtë fitore, pesë prej të cilave kur ka luajtur si vendase, aty ku nuk ka humbur asnjëherë nga kundërshtari i sotëm. Magjia e kësaj gjysmëfinale të zjarrtë në UEFA Champions League, transmetohet ekskluzivisht në kanalin Sport 1 të platfromës kryesore shqiptare, ArtMotion, me fillim në orën 21:00. Komentator, Andin Lokaj!