Barça në ndjekje të Elseid Hysaj

Sipas Calciomercato.it, 22-vjecari nga Shkodra ka përfunduar prej kohësh në radarët e Barcelonës dhe falë formës që ka shfaqur me Napolin gjatë 2 sezoneve të fundit, te Barca janë të bindur se afrimi i Hysajt do të ishte një investim shumë i mirë për të blinduar krahun e djathtë të mbrojtjes. Sapo ka mbushur 23-vjec por në këto vite mbrojtësi shqiptar ka treguar se ka aftësi të jashtëzakonshme dhe është gati për tu bërë pjesë e një skuadre më të madhe se Napoli, shkruan SuperSport.al. Presidenti i klubit të kaltër Aurelio De Laurentis, synon të përfitojë shumë para nga shitja e Hysajt ndërkohë që i duhet të vendosë, se kë duhet të shesë mes mbrojtësit shqiptar dhe algjerianit Ghoulam i cili luan në krahun e majtë të mbrojtjes dhe kërkohet nga Bayern i Mynihut. 2 ndeshjet ndaj Realit të Madridit në  ruandin e 1/8-ave të Champions League do të shërbejnë si një vitrinë Hysajt për të treguar edhe njëherë vlerat e tij, me shpresën se sezonin e ardhshëm do ti sfidojë Los Blancos në La Liga duke mbajtur veshur, fanellën bluagrana të Barcelonës.