Banorët kthehen në Irpin të Ukrainës, i gjejnë shtëpitë e shkatërruara (VIDEO)

Banorët e Irpinit, jashtë Kievit, u kthyen për të shpëtuar shtëpitë e tyre të dëmtuara nga bombardimet ushtarake ruse me shpresën për të rinisur jetën e tyre. Të gëzuar nga tërheqja e Rusisë nga rajoni i kryeqytetit ukrainas banorët kanë filluar të kthehen në shtëpi, të paktën në atë që ka mbetur. Të kthyerit e hershëm janë në mesin e shtatë milionë ukrainasve të zhvendosur brenda vendit të tyre nga lufta. Lart dhe poshtë një korridori të errësuar, Olexiy Planida punoi për të vendosur një fletë plastike mbi një dritare të madhe përballë një këndi lojërash të dëmtuar. Kjo ishte hera e tij e parë në shtëpi që kur u arratis me gruan, dy fëmijët e vegjël dhe qenin e tyre. "Nuk e di. Tani do të përpiqemi vetëm të mbyllim dritaret, të mbrohemi nga shiu dhe nga uji", tha 34 vjeçari Planida. Rusët hapën të gjitha dyert e apartamentit dhe morën një laptop, iPad dhe stoli, raporton AP, transmeton Klankosova.tv. Në korridor, Oksana Lyul'ka pastroi xhamin e thyer nga dyshemeja e dhomës së saj të ndenjës, duke përdorur doreza pune për të mbajtur copa të mëdha sa pjatat e darkës. Vetëm disa muaj më parë 28 vjeçarja ishte kthyer në Ukrainë nga Qiproja për të nisur një jetë të re më afër shtëpisë dhe ajo rinovoi apartamentin. Ajo iku nga Irpini në ditën e dytë të luftës dhe u vendos me prindërit e saj. Tani Oksana është e vendosur në Kiev, jo aq larg, transmeton Klankosova.tv. https://www.youtube.com/watch?v=L2FJvy5tGl4