Banorët e tri fshatrave të Prizrenit pasnesër protestë para KEDS-it

Të premten banorët e tri fshatrave të Prizrenit pritet të mbajnë protestë para zyrave të KEDS-it në Prizren. “Ftohen të gjithë banorët e fshatrave Grazhdanik , Kobaj , Vlashnje, të na bashkangjiten në protestë para zyrës së KEDS në Prizren, pasnesër - me datë 27/12/2024 prej orës 10:00”, thuhet në njoftimin nga banorët që ka ardhur në redaksinë e Klankosova.tv “Kjo çfarë është duke iu bërë banorëve të ketyre fshatrave është e patolerueshme. Një çrregullim i vogël i motit, dhe ne kemi ndërprerje të rrymës për orë të gjata, apo edhe për ditë të tëra”. “Krishtlindjet i festuam ne terr , por të mos i lejojmë që  t’i kalojmë gjitha ditët e acarta në të njëjtën gjendje”.