Banka e Anglisë rrit normat e interesit në nivelin më të lartë nga 2008-ta

Për t’u përballur me inflacionin e lartë, Banka e Anglisë ka rritur normat e interesit në nivelin më të lartë që nga viti 2008. Vendimi i komitetit nëntëanëtarësh i politikës monetare të bankës për të rritur me 4.5 përqind normën kryesore të interesit ishte i pritshëm në tregjet financiare. Kjo përbën rritjen e 12 me radhë të normës së interesit në Angli, raporton AP, përcjell KlanKosova.tv. Banka të tjera të mëdha si Rezerva Federale e ShBA-së dhe Banka Qendrore Evropiane janë duke i rritur gjithashtu normat e interesit në mënyrë që shkalla e inflacionit të ulet. Këto lëvizje të kësaj natyre pritet që efektin ta kenë në fund të vitit. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.