“Balotelli do të rikthehet në Premier Ligë”

Mario Balotelli do të kthehet në Premier Ligë dhe kjo është shumë e sigurt, ka thënë agjenti i futbollistit, Mino Raiola, shkruan Goal, njofton Klan Kosova. Balotelli këtë vit la Liverpool-in për Ligue 1, duke nënshkruar me Nice, ndërsa legjenda e Liverpool-it, Jamie Carragher, tha se klubi francez e kishte “mbipaguar” italianin, duke dyshuar kështu në aftësitë e tij. Por, Raiola beson fuqishëm se klienti i tij do ia dal prapë të kthehet në ligën angleze. “Italia është një vend i pajetueshëm për të për shkak të vëmendjes së madhe që ka atje”, ka thënë ai për Daily Mail. “Nëse ai e dëshmon se mund të qëndrojë në formë tek Nice dhe të shënojë gola atëherë imagjinojeni sa atraktiv do të jetë për ndonjë nga trajnerët e Premier Ligës vitin e ardhshëm”. “Francës i është dashur ai, njëjtë sikur u duhej dikur Zlatan. Ai i bënë mirë vet ligës, por absolutisht do të rikthehet në Premierë Ligë”.

klankosova.tv